Լոռվա Դսեղ գյուղը Հ․ Թումանյանի ծննդավայրն է։ Դսեղ նշանակում է դուրս տեղ, այսինքն`բնակավայրերից զատված, առանձնացված տեղ։ Այստեղ մարդիկ հիմնականում զբաղվում են հացահատիկի, կարտոֆիլի, բանջարաբոստանային և կերային կուլտուրաների մշակությամբ։ Գյուղում կա չորս եկեղեցի։ Ամենամեծը Բարձրաքաշ Սուրբ Գրիգոր եկեղեցին է` կառուցված 13-րդ դարում Մամիկոնյանների տոհմի կողմից։ Գյուղի կենտրոնում գտնվում է Հ․ Թումանյանի տուն-թանգարանը։Գյուղի կենտրոնական հրապարակի վրա է գտնվում մշակույթի տունը, ինչպես նաև Հովհաննես Թումանյանի բրոնզյա արձանը։ Այստեղ կա նաև նոր հիվանդանոց,որը կառուցվել է «Կարմիր Խաչի» միջոցներով։ Դսեղում կա շատ գեղեցիկ լիճ,որը կոչվում է «Ծովեր»։
Սերգեյ Աղամալյան 